 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Дражніла вытрымку біклага
У барыша і галыша.
Навошта скардзіцца, што блага
На сёмым небе шалаша.
На загагулінах ваколіц
За плюшч чаплялася іржа.
I пыл, згрувашчаны на колы,
У лес з палёгкай заязджаў.
Лістота ўзбоч не трапятала.
Зьнікаў за неба самалёт.
I смалакурня між кварталаў
Змаглася зморай і смалой.
Да ценю хмарка забягала.
Круціла бераст у крыжы,
А ён, трывушчы, як Ягайла,
У квас сухарыкі крышыў.
Жада ня з ласага прыпасу
Хавала кроплям хваласьпеў,
А ім аднакі: хто з лампасам,
I хто лампасу не сасьпеў.
З часоў сярмягі сага смагі
Сплыла ахвярна па рацэ.
I толькі гарлячок біклагі
Пяшчотна схоплены ў руцэ.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
